വെൺപാലവട്ടം ശ്രീചക്ര പുരസ്‌കാരം നടൻ സുരേഷ് ഗോപിക്ക്
മുന്‍ വര്‍ഷങ്ങളില്‍ ഗായകരായ പി.ജയചന്ദ്രന്‍, ജി. വേണുഗോപാല്‍, എം.ജി ശ്രീകുമാര്‍, ചലച്ചിത്ര നടന്‍ ഇന്ദ്രന്‍സ് എന്നിവര്‍ക്ക് വെണ്‍പാലവട്ടം ശ്രീചക്ര പുരസ്‌കാരം ലഭിച്ചിരുന്നു.
നടനും മുന്‍ എംപിയുമായ സുരേഷ് ഗോപിക്ക് വെണ്‍പാലവട്ടം ക്ഷേത്ര ട്രസ്റ്റിന്റെ ശ്രീചക്ര പുരസ്‌കാരം. കേരള ഗവര്‍ണര്‍ ആരിഫ് മുഹമ്മദ് ഖാന്‍, സുരേഷ് ഗോപിയ്ക്ക് അവാര്‍ഡ് സമ്മാനിച്ചു. പുരസ്‌കാരം ഏറ്റുവാങ്ങുന്നതിന്റെ ചിത്രം സുരേഷ് ഗോപി തന്റെ സോഷ്യല്‍ മീഡിയ പേജുകളിലും പങ്കുവച്ചിട്ടുണ്ട്. 'നന്ദിയുള്ളവന്‍' എന്ന അടിക്കുറിപ്പോടെയാണ് സുരേഷോ ഗോപി ചിത്രം പങ്കുവച്ചിരിക്കുന്നത്.
മുന്‍ വര്‍ഷങ്ങളില്‍ ഗായകരായ പി.ജയചന്ദ്രന്‍, ജി. വേണുഗോപാല്‍, എം.ജി ശ്രീകുമാര്‍, ചലച്ചിത്ര നടന്‍ ഇന്ദ്രന്‍സ് എന്നിവര്‍ക്ക് വെണ്‍പാലവട്ടം ശ്രീചക്ര പുരസ്‌കാരം ലഭിച്ചിരുന്നു. അതേസമയം, വരാഹം ആണ് സുരേഷ് ഗോപിയുടേതായി അണിയറയില്‍ ഒരുങ്ങുന്ന ചിത്രം. സനല്‍ വി ദേവന്‍ ആണ് സംവിധാനം. സുരേഷ് ഗോപിക്കും സുരാജ് വെഞ്ഞാറമൂടിനുമൊപ്പം തമിഴ് സംവിധായകനും നടനുമായ ഗൗതം വസുദേവ് മേനോനും പ്രധാന വേഷത്തില്‍ എത്തുന്നുണ്ട്.
നവ്യ നായര്‍ ആണ് വരാഹത്തില്‍ നായികയായി എത്തുന്നത്. കിച്ചാമണി എംബിഎ എന്ന ചത്രത്തിന് ശേഷം നവ്യയും സുരേഷ് ഗോപിയും ഒന്നിക്കുന്ന ചിത്രം കൂടിയാണിത്. പ്രാചി തെഹ്ലാന്‍, നവ്യ നായര്‍, ശ്രീജിത്ത് രവി, സന്തോഷ് കീഴാറ്റൂര്‍, സാദ്ദിഖ്, സരയൂ എന്നിവരാണ് മറ്റ് താരങ്ങള്‍. സുരേഷ് ഗോപിയുടെ കരിയറിലെ 257-ാമത്തെ ചിത്രമാണ് വരാഹം.
What's Your Reaction?
