ബംഗ്ലാദേശിനും പാക്കിസ്ഥാനും തൊട്ടു പിന്നിൽ ഇന്ത്യ; ലോകത്തിലെ ഏറ്റവും കൂടുതൽ വായുമലിനീകരണം, പട്ടികയിൽ മൂന്നാം സ്ഥാനത്ത് ഡൽഹി

വായു മലിനീകരണത്തില്‍ ലോകത്തില്‍ തന്നെ മൂന്നാം സ്ഥാനത്താണ് രാജ്യ തലസ്ഥാനം.ബംഗ്ലാദേശ്, പാക്കിസ്ഥാന്‍ എന്നീ രാജ്യങ്ങള്‍ക്ക് തൊട്ട് പിന്നിലാണ് ഡല്‍ഹിയുടെ സ്ഥാനം. സ്വിസ് സംഘടനയായ IQAir-ന്റെ ലോക വായു ഗുണനിലവാര റിപ്പോര്‍ട്ട് 2023-ല്‍ ആണ് ഇക്കാര്യം വ്യക്തമാക്കിയിരിക്കുന്നത്. 2022-ല്‍, ഒരു ക്യൂബിക് മീറ്ററിന് 53.3 മൈക്രോഗ്രാം എന്ന ശരാശരി PM2.5 സാന്ദ്രത ഉള്ള എട്ടാമത്തെ ഏറ്റവും മലിനമായ രാജ്യമായാണ് ഇന്ത്യ റാങ്ക് ചെയ്യപ്പെട്ടിരുന്നത്. എന്നാല്‍ ഇത് ഒരു വഞഷം കടന്നപ്പോള്‍ എട്ടില്‍ നിന്ന് മൂന്നിലേയ്ക്ക് എത്തിയിരിക്കുകയാണ്. 

ഡല്‍ഹിയുടെ PM2.5 അളവ് 2022-ല്‍ ഒരു ക്യൂബിക് മീറ്ററിന് 89.1 മൈക്രോഗ്രാമില്‍ നിന്ന് 2023-ല്‍ 92.7 മൈക്രോഗ്രാമായി മോശമായി. 2018-ല്‍ ആരംഭിക്കുന്ന ട്രോട്ടില്‍ നാല് തവണ ലോകത്തിലെ ഏറ്റവും മലിനമായ തലസ്ഥാന നഗരമായി ദേശീയ തലസ്ഥാനം തിരഞ്ഞെടുക്കപ്പെട്ടു. ഗവേഷണ സ്ഥാപനങ്ങള്‍, സര്‍ക്കാര്‍ സ്ഥാപനങ്ങള്‍, സര്‍വ്വകലാശാലകള്‍, വിദ്യാഭ്യാസ സ്ഥാപനങ്ങള്‍, ലാഭേച്ഛയില്ലാത്ത സര്‍ക്കാരിതര സ്ഥാപനങ്ങള്‍ എന്നിവ നടത്തുന്ന 30,000-ലധികം റെഗുലേറ്ററി എയര്‍ ക്വാളിറ്റി മോണിറ്ററിംഗ് സ്റ്റേഷനുകളുടെയും കുറഞ്ഞ നിരക്കിലുള്ള എയര്‍ ക്വാളിറ്റി സെന്‍സറുകളുടെയും ആഗോള വിതരണത്തില്‍ നിന്നാണ് ഈ റിപ്പോര്‍ട്ട് സൃഷ്ടിക്കാന്‍ ഉപയോഗിച്ച ഡാറ്റ സമാഹരിച്ചതെന്ന് IQAir പറയുന്നു.  

2022ലെ വേള്‍ഡ് എയര്‍ ക്വാളിറ്റി റിപ്പോര്‍ട്ടില്‍ 131 രാജ്യങ്ങളേയും 7,323  പ്രദേശങ്ങളേയും ഈ ഡാറ്റ ശേഖരണത്തില്‍ ഉള്‍പ്പെടുത്തിയിട്ടുണ്ട്. 2023-ല്‍ 134 രാജ്യങ്ങളേയും 7,812 പ്രദേശങ്ങളേയും ഉള്‍പ്പെടുത്തിയാണ് റിപ്പോര്‍ട്ട് തയ്യാറാക്കിയിരിക്കുന്നത്. ലോകമെമ്പാടുമുള്ള ഓരോ ഒമ്പത് മരണങ്ങളിലും ഒരാളുടെ മരണത്തിന് വായു മലിനീകരണം കാരണമാകുന്നു, വായു മലിനീകരണം മനുഷ്യന്റെ ആരോഗ്യത്തിന് ഏറ്റവും വലിയ പാരിസ്ഥിതിക ഭീഷണിയാണെന്നും പഠനങ്ങള്‍ വ്യക്തമാക്കുന്നു. 

ലോകാരോഗ്യ സംഘടനയുടെ കണക്കനുസരിച്ച്, ലോകമെമ്പാടുമുള്ള ഏഴ് ദശലക്ഷം മരണങ്ങള്‍ക്കാണ് ഓരോ വര്‍ഷവും വായു മലിനീകരണം കാരണമാകുന്നത്.  PM2.5 വായു മലിനീകരണം ആസ്ത്മ, കാന്‍സര്‍, സ്‌ട്രോക്ക്, ശ്വാസകോശ രോഗങ്ങള്‍ എന്നിവയുള്‍പ്പെടെ നിരവധി ആരോഗ്യ അവസ്ഥകളിലേക്ക് നയിക്കുകയും കൂടുതല്‍ വഷളാക്കുകയും ചെയ്യുന്നു.