കുമളിയില്‍ രാത്രികാല പെട്രോളിങ്ങിനിടെ എസ്.ഐക്ക് മര്‍ദനമേറ്റു; പ്രതി ഒളിവില്‍
പ്രദേശത്ത് ഭീകരാന്തരീക്ഷം സൃഷ്ടിച്ച് ശരീരമാസകലം ചോരയുമായി നിന്ന ബാബുവിനെ ആശുപത്രിയിലെത്തിക്കാന്‍ ശ്രമിക്കുന്നതിനിടെ അപ്രതീക്ഷിതമായി എസ്.ഐയെ ആക്രമിക്കുകയായിരുന്നു.
ഇടുക്കി: കുമളിയില്‍ രാത്രികാല പെട്രോളിങ്ങിനിടെ എസ്.ഐക്ക് മര്‍ദനമേറ്റു. കുമളി പൊലീസ് സ്റ്റേഷനിലെ എസ്.ഐ ഷെഹീര്‍ ഷാക്കാണ് മര്‍ദനമേറ്റത്. ചെവിക്കും തലയ്ക്കും പരിക്കേറ്റ ഇദ്ദേഹത്തെ ആശുപത്രിയില്‍ പ്രവേശിപ്പിച്ചു.
റോസാപ്പൂക്കണ്ടം സ്വദേശി ബാബുവാണ് മര്‍ദിച്ചത്. ഒളിവില്‍പോയ ഇയാള്‍ക്കെതിരേ പോലീസ് കേസെടുത്തു. നിരവധി കേസുകളില്‍ പ്രതിയാണ് ബാബുവെന്ന് പോലീസ് പറഞ്ഞു. കുമളി ടൗണിന് സമീപം ഇരു വിഭാഗങ്ങള്‍ തമ്മില്‍ വാക്കേറ്റവും കയ്യാങ്കളിയും നടക്കുന്നെന്ന വിവരത്തിന്റെ അടിസ്ഥാനത്തിലാണ് രാത്രികാല പെട്രോളിംഗിലുണ്ടായിരുന്ന എസ്.ഐയും സംഘവും റോസപ്പൂക്കണ്ടത്ത് എത്തിയത്.
പ്രദേശത്ത് ഭീകരാന്തരീക്ഷം സൃഷ്ടിച്ച് ശരീരമാസകലം ചോരയുമായി നിന്ന ബാബുവിനെ ആശുപത്രിയിലെത്തിക്കാന്‍ ശ്രമിക്കുന്നതിനിടെ അപ്രതീക്ഷിതമായി എസ്.ഐയെ ആക്രമിക്കുകയായിരുന്നു.
What's Your Reaction?
